Riu Garona – Èm çò qu’èm

Benvengudi, eth mèn nòm ei SIA, Servici d’Intelligéncia Aranesa, e sò eth vòste assistent personau d’informacion sus era lengua aranesa. A diferéncia de d’auti, coma Siri, Cortana, Alexa o Google, sò eth mès uman possible. Ja ja ja ja. En qué te pogui ajudar?

ÈM ÇÒ QU’ÈM ei era prumèra produccion de ficcion en aranés creada per Lleida TV damb eth supòrt deth Conselh Generau d’Aran. Entà portar a tèrme eth projècte, se compde damb era participacion dera joena productora lheidatana KIONALIA PROJECT que s’a encuedat de dar forma ara idea, de meter- i tota era creativitat possibla e deth sòn desvolopament.

Er objectiu dera sèrie ei divulgar era lengua aranesa e resòlver dubtes e errors abituaus en sòn usatge, e hè’c damb un tòc d’umor plan particular.

SIA ei era personificacion umana d’un assistent d’informacion, coma Siri o Alexa, expèrta ena cultura e lengua araneses. Ua darrèra de ua auta, es PERSONES CURIOSES s’apròpen tath sòn taulelh pr’amor qu’an de besonh ajuda damb era lengua aranesa. SIA les transpòrte tara simulacion d’ua situacion entà resòlver es sòns dubtes. Acabada era representacion, Sia proporcione ua brèu explicacion d’aguest tà dissipar-les definitivament.